ПРЕТСЕДАТЕЛОТ НА МБП ПЕТАР КОЛЕВ СИ ПОДНЕСЕ ОСТАВКА ДО ЧЛЕНОВИТЕ НА УПРАВНИОТ ОДБОР НА МБП

Почитувани колеги, Помина повеќе од една година од последното годишно собрание на нашата организација на кое бев избран за председател на здружението „Македонско-Бугарско пријателство“. Година, полна со многу проекти, предизвици и се разбира успеси и поводи за радост. Во целиот овој период бев вложен до максимум во реализацијата на идеите на МБП и на низата активности низ Р. Македонија. Дадов се од себе да излеземе во пресрет, со нашите контакти и пријатели, на секој граѓанин на нашата земја, , кој побарал помош од нас за инициативи, проекти или слично во Р. Бугарија.Работев и се трудев со полно срце и апсолутна увереност дека тоа што го правиме е не само важно и одговорно но исто така и правилно. Нашите идеи, цели и заложби денеска се дел од официалната политика на владите на Р. Македонија и Р. Бугарија, кое може само да не радува. Нашето визионерство и желба да ја видиме нашата татковина како модерна земја, која е готова да ги решава отворените прашања со соседите, која покажува смелост, но и одговорност, земја која сака да оди напред кон структурите на НАТО и ЕУ е се по блиску до реалността. И точно поради сето ова, но и поради настанатите нови околности за дејствување на МБП, а исто така и поради некои мои лични и профисионални обврски решив да поднесам оставка од функцијата председател. Сметам дека треба да се даде шанса на нов човек, со нови идеи и визија, кој да ја надгради нашата работа до овој момент. Би сакал нај длабоко и искрено да се заблагодарам на сите наши членови, кои несебично вложија дел од своето време,знаење и лични средства за денеска МБП да изгледа така, како што изгледа – една од најголемите и најактивни невладини организации во Македонија. Ви се заблагодарувам за соработката и на вас колеги, членовите на УО, на НО, а исто така и на раководствата на нашите 14 структури низ Македонија за сето она што успеавме да го направиме заедно. Посакувам од се срце успех на организацијата и на новиот председател. Се надевам дека скоро ќе ја видиме нашата Македонија како членка на НАТО и ЕУ.

Петар Колев

Поврзани вести